Ağcabədi rayonunda silsilə tədbirlər davam edir - ÖZƏL
Ağcabədi rayonu Üzeyir Hacıbəylinin anadan olmasının 134 illiyini böyük təntənə ilə qeyd edir
Azərbaycan Respublikasının Mədəniyyət Nazirliyinin 06.09.2019-cu il tarixli, 247 saylı əmrini əsas tutaraq Ağcabədi Regional Mədəniyyət İdarəsinin təşkilatçılğı ilə Regional İdarəni əhatə edən bütün mədəniyyət müəssisələrində, “Üzeyir Hacıbəyli XI Beynəlxalq Musiqi Festivalı” nın keçirilməsi tədbirləri həyata keçirilir. 06 sentyabr 2019-cu il tarixdən başlayaraq dahi bəstəkar Üzeyir Hacıbəylinin anadan olmasının 134 illiyini böyük təntənə ilə qeyd edən rayon ictimaiyyəti böyük sevinc hissi yaşayır.
17.09.2019-cu il tarixdə saat 10:00-da rayon ictimaiyyəti Üzeyir Hacıbəyli adına Qarabağ Muğam Mərkəzində Üzeyir Hacıbəylinin abidəsi önünə gül-çiçək dəstələri qoymuş daha sonra dahi bəstəkarın əsərlərindən ibarət böyük konsert proqramını maraqla izəlmişlər.
Ağcabədi Regional Mədəniyyət İdarəsinin tabeliyində fəaliyyət göstərən mədəniyyət müəssisələrində “Üzeyir Hacıbəyli günləri” sentyabr ayının sonunadək dəvam edəcəkdir.
18 Sentyabr – “Milli Musiqi Günü” münasibətilə Ağcabədi Şəhər Uşaq İncəsənət məktəbində tədbir keçirilmişdir
17 Sentyabr, 2019-cu il tarixdə Milli Musiqi Günü münasibəti ilə Ağcabədi Şəhər Uşaq İncəsənət məktəbində tədbir keçirilmişdir. Tədbir saat 10-00 – da başlamışdır. Tədbir iştirakçıları ilk öncə İncəsənət məktəbinin qarşısında yerləşən Üzeyir bəyin abidəsinin qarşısına tər çiçəklər düzərək dahi bəstəkarın xatirəsini yad etmişlər. Tədbirdə çıxış edən Ağcabədi Regional Mədəniyyət İradəsinin rəisi Rza Quliyev Üzeyir musiqisinin, Üzeyir sənətinin ucalığından, bu musiqinin humanist bəşəri ideyalara xidmətindən, bəstəkarın yaradıcılığının ölməzliyindən geniş söz açaraq 18 Sentyabr - “Milli Musiqi Günü” münasibətilə tədbir iştirakçılarını təbrik etmişlər. Tədbirin musiqili bədii hissəsinə başlayan İncəsənət məktəbinin birləşmiş rəqs kollektivləri “Arşın mal alan” liberettosundan və “O olmasın, bu olsun” musiqili komediyasından baxımlı, maraqlı rəqs nömrələri ilə tamaşaçıların sürətli alqışlarını qazanmışlar. Bundan başqa İncəsənət məktəbinin səs müəllimlərinin ifasında bəstəkarın romans və mahnılarını səsləndirmişlər. Maraqlı və məzmunlu keçən konsert proqramı 2 saat davam etmişdir.
Ağcabədi rayonunda bütün məktəblərdə "Bilik günü" qeyd edildi
15 sentyabr yeni tədris ilinin başlanması - Bilik günü respublikamızın bütün bölgələrində olduğu kimi cəbhə bölgəsində yerləşən Ağcabədi rayonunda da qeyd olundu.Rayon İcra Hakimiyyətinin başçısı Şahin Məmmədov 15 sentyabr - bilik günü münasibəti ilə Ağcabədi şəhər Məmməd Aranlı adına 11 saylı tam orta məktəbdə olub, məktəbin müəllim, şagird kollektivi və valideynlərlə görüşüb. Şagirdləri “Bilik günü” münasibəti ilə təbrik edən Şahin Məmmədov Azərbaycanda həyata keçirilən təhsil siaysətindən söz açıb, görülən işlərdən, əldə olunan naliyyətlərdən danışıb.Cənab Prezident İlham Əliyevin diqqət və qayğısı nəticəsində Azərbaycanın hər bir guşəsində yeni məktəblərin tikilərək istifadəyə verildiyini qeyd edən başçı bildirib ki, təhsil səviyyəsinin daha da yüksəldilməsi dövlətin qarşıya qoyduğu əsas hədəflərdən biridir.Ağcabədi məktəblərinin də uğurlarının günü-gündən artdığını vurğulayan natiq bildirib ki, bu il rayon məktəblərini bitirən məzunların 453 nəfəri ali təhsil ocaqlarına qəbul olub.Natiq onu da qeyd edib ki, dövlət tərəfindən təhsilə göstərilən diqqət və qayğının nəticəsidir ki, rayonumuzun şagirdləri ildən ilə ali məktəblərə keçirilən qəbul imtahanlarda yüksək nəticələr əldə edirlər. Daha sonra birinci sinfə qədəm qoyan şagirdləri bir daha təbrik edib, onlara uğurlar arzulayıb. Şahin Məmmədov məktəblilərə elmə, biliyə daha dərindən yiyələnməyi tövsiyə edib.
Çıxış edənlər ölkəmizdə Ulu öndər Heydər Əliyevin əsasını qoyduğu milli təhsil strategiyasının Prezident İlham Əliyev tərəfindən uğurla davam etdirilməsindən, respublikamızda, o cümlədən, Ağcabədi rayonunda təhsilə göstərilən diqqət və qayğıdan, bu sahənin maddi-texniki bazasının möhkəmləndirilməsi üçün həyata keçirilən tədbirlərdən danışıblar.
Müəllimlər və valideynlər göstərdiyi diqqət və qayğıya görə ölkə başçısı İlham Əliyevə və Birinci vitse-prezident Mehriban Əliyevaya minnətdarlıqlarını bildiriblər.
