ABŞ İrana qarşı hərbi əməliyyat xatirinə Suriyanı atır – şayiələr gəzir ki, artıq Ağ Ev belə bir zərbənin endirilməsi imkanı haqda Pentaqona sorğu edib.

Xarici siyasət şöbəsi yazır ki, Vaşinqton Avropa Birliyi, Rusiya, Çin və Yaponiyanı Yaxın Şərqdə böyük münaqişəyə hazırlayır.

Donald Tramp NATO üzrə müttəfiqi Türkiyə ilə alver edir. Türklər, amerikalılar Suriyadan gedəndən sonra qətiyyən gizlətmir ki, kürdlərə hücuma başlamaq istərdilər. Onların İŞİD-ə qarşı mübarizədə müttəfiq olduqları önəmli deyil.

Kürdlər Türkiyə prezidenti Rəcəb Tayib Ərdoğan və çevrəsi üçün radikal islamçılardan böyük deyilsə, balaca düşmən də deyil.

Türkiyə məhz buna görə hazırda ABŞ və müttəfiqlərinin Suriya torpaqlarının göz qoyduğu bölümündə hakimiyyət boşluğunu doldurmaq niyyətində olduğu Suriyada son aylarda əhatəli antikürd əməliyyatı hazırlayır.

Belə güc bölgüsü amerikalıları onların gedişindən sonra qane etmir. Donald Tramp bununla bağlı Ərdoğanla uzun-uzadı telefon danışıqları aparıb. Türkiyə öz fəaliyyəti ilə Suriyada durumu qarışdırarsa, ABŞ onu sərt iqtisadi sanksiyalarla qorxudur.

Görünür, amerikalıların, mahiyyətcə, onsuz da taleyin ixtiyarına buraxdıqları dost kürdlərə yazıqları gəlməkdən daha çox İranla hərbi münaqişə halında öz əməliyyat meydanları və arxa cəbhəyə görə narahat olurlar.

“The Wall Street Journal” qəzeti məlumatlı qaynaqlara istinadən xəbər verib ki, ABŞ prezidentinin milli təhlükəsizlk üzrə köməkçisi Con Bolton İrana zərbə endirmək üçün hələ 2018-in sonunda əldə olan imkanlar haqda Pentaqona sorğu edib.

Rusiya sərhədləri yaxınlığında NATO-nun hərbi aktivliyinə reaksiya verəcək. Bunu jurnalistlərə açıqlamasında Rusiya Xarici İşlər naziri Sergey Lavrov deyib. Onun sözlərinə görə, ABŞ öz iradəsini beynəlxalq ictimaiyyətə güc yolu ilə sırımağa çalışır:

“Dünyadakı situasiya çətin olaraq qalır. Keçən il konflikt potensialı artıb. Buna əsas səbəb ABŞ-ın rəhbərlik etdiyi bir sıra Qərb ölkələrinin formalaşan çoxqütblü dünya reallığını qəbul etməməsidir”.

Vaşinqton Yaxın Şərqdə dayağı olacaq bir kürd dövləti qurmağı qarşısına məqsəd qoyub.

Bunu Trampın Suriyanın şimalında "təhlükəsiz zona yaradılsın" açıqlamasını dəyərləndirən rusiyalı mütəxəssis Aleksey Fenenko bildirib.

"Amerikalılar son 15 ildir ki, Türkiyəni strateji müttəfiq kimi görmür. Onlar Türkiyədən uzaqlaşmaq və bu ölkənin qonşuluğundakı düşmənlərdən yana seçimini edib.

Kürdüstanın yaradılması Türkiyənin ərazi bütövlüyü üçün təhdiddir. Hazırda ABŞ-ın əsas məqsədi Türkiyənin Fəratın şərqinə mümkün əməliyyatını əngəlləməkdir", - Fenenko qeyd edib.